NORSK FRILUFTSLIV lea goavdeorganisašuvdna 17 olgonastinorganisašuvdnii main leat badjel 950 000 miellahtu, eanet go 5000 báikkálašsearvvi ja badjel 100 000 eaktodáhtolačča.
Miellahttoorganisašuvnnain leat individuála miellahtut ja leat buohkaid váras. Dat leat riikaviidosaččat, dahje dain leat eanet go 10 000 miellahtu.
NORSK FRILUFTSLIV OVDDIDA
Oadjebas, máŋggabealat ja luondduustitlaš olgonastineallima, árbevirolaš ja ođđa doaimmaid bokte. Organisašuvdna váldá bajás áššiid maidda miellahttoorganisašuvnnain lea beroštupmi eiseválddiiguin ja eará guovdilis ulbmiljoavkkuiguin.
Norsk Friluftsliv áigu nannet olgonastineallima sajádaga ja lávdama servodagas. Mii ovddidit buohkaidrievtti ja áigut nannet dan ahte álbmot beassá lundui ja dan geavahit. Organisašuvdna lea gulahallaninstánsa relevánta politihkalaš áššiin ja juogada almmolaš prošeaktaruđaid miellahttoorganisašuvnnaide.
POLITIHKALAŠ MIHTUT
- Sihkkarastit olgonastineallima luondduvuođu ja loktet ipmárdusa luonddu iešárvvu birra
- Sihkkarastet ahte buohkat dovdet sin lagamus olgonastinguovlluid
- Ovddidit olgonastineallima suohkanlaš plánain ja ráddjet huksema luondduguovlluin
- Bargat sihkkaris olgonastineallima ovdii min organisašuvnnaid bokte
- Ovddidit olgonastineallima gaskaoapmin buoret ceavzilvuhtii, dálkkádahkii ja birrasii
- Ovddidit olgonastineallima searvadahttindoaibmabidjun
- Loktet luonddugeavaheami oahppanarenan skuvllain ja mánáidgárddiin
- Bargat buriid rámmaeavttuid ovdii eaktodáhtolaččaide
«OLGONASTINILLU EAMBBOSIIDDA – DÁVJJIBUT»
Lea min višuvdna. Min miellahtut barget dan ovdii ahte buohkat galget beassat vásihit álkes olgonastineallima, ja beassat olgonastinguovlluide iežaset ruovttuid lahka. Norsk Friluftsliv lea searvvis moanat prošeavttain mat ovddidit olgonastima, eaktodáhtolašvuođa, luondduilu, álbmotdearvvašvuođa, searvadahttima ja fágalaš máhtu.
Les også: Historisk møte mellom to 30-åringer
TO 30-ÅRINGER: Representanter fra Sametinget på besøk hos Norsk Friluftsliv i 2019. Tilstede: Sametingspresident Aili Keskitalo, sametingsråd Silje Karine Moutka, politisk rådgiver Eirik Larsen og direktør Rune Sverre Fjellheim. Fra Norsk Friluftsliv stilte styremedlemmer Linda Verde og Gøril Huse, samt generalsekretær Lasse Heimdal og fagsjef samfunnskontakt Siri Meland. Foto: Wanda Nordstrøm